Jæja, þá er fyrsta önnin búin hjá mér og komið að prófaviku. Ég er reyndar bara í einu prófi núna þannig að þetta er nú ekki neitt svakalegt stress hjá mér. Í hinum tveimur áföngunum sem ég er í er núna komið að verklega hlutanum. Í áfanganum Realtime programming eigum við að forrita videómyndavéla eftirlitskerfi. Í hinum áfangunum, Industrial measurement systems for control fengum við nokkrar tillögur að verkefnum en á meðan við notumst við eitthvað af því sem kennt er í áfanganum þá megum við gera hér um bil hvað sem er. Við Gummi ætlum að vinna þetta verkefni saman og erum komnir með einhverjar hugmyndir. Ef þið hafið einhverjar skemmtilegar hugmyndir að hagnýtu verkefni endilega komið með uppástungur.

Samferða þessum tveimur verkefnum byrja ég í tveimur nýjum áföngum. Ég þarf að taka raforkuverkfræði og iðnaðar hagfræði (industrial ekonomy). Ég veit ekki hvernig þessi raforkuverkfræði áfangi er en hef hins heyrt margt og mikið um þennan hagfræði áfanga. Versta er þó að allt sem ég hef heyrt er slæmt, þetta er víst mjög fjarri því að vera skemmtilegur áfangi. Annars er kannski bara gott að læra einhverja hagfræði í þessu árferði.

Annars er nú ekki mikið að frétta héðan frá Lundi. Meðan íslenska krónan er svona verðlaus reynum við bara að kaupa ekkert nema nauðsynjavörur. Maður er nú bara hálf feginn að vera ekki kominn með íbúð núna þar sem við þurfum ekki að kaupa húsgöng á þessum óhagstæðu tímum.

Jæja, ætli maður verið ekki að reyna að fara að læra aðeins fyrir þetta próf.